د کندهار ولایت دامان ولسوالۍ کې د باروړونکي ترمینل د جوړېدو چارې په چتکۍ سره روانې دي، دغه ترمینل چې په ۵۸۲ جرېبه ځمکه، د څه باندې ۵۰۲ میلیونه افغانیو په ارزښت جوړېږي، چارې به یې د دریو کلونو په موده کې بشپړې شي. په یاده پروژه کې د ترمینل اصلي ودانۍ، د باروړونکو موټرو لپاره تمځای، سړکونه، د برېښنا او اوبو رسولو شبکې، د ټرانسپورټي شرکتونو لپاره دفترونه، د اوروژنې وسایطو او کارکوونکو لپاره ودانۍ او ځينې نور تاسیسات شامل دي.
