د ټرانسپورټ او هوايي چلند وزارت د عملياتي معين کپتان غلام جيلاني وفا په مشرۍ چې د هوايي ډګرونو عمومي رئیس الحاج عبدالستار غروال او د هوايي چلند برخې نورو رئیسانو هم پکې ګډون کړى و، غونډه وشوه.

په ياده غونډه کې د تدارکاتو او ځمکني خدمتونو (ګراونډ هنډلینګ) اړوند برخو کې د شفافيت او چارو کې د چټکتيا رامنځته کولو په موخه ځينې پرېکړې وشوې.

 نن (چارشنبه) د عالي قدر امير المؤمنين حفظه الله د حکم او د ټرانسپورټ او هوايي چلند وزارت د سرپرست الحاج ملا حميدالله اخندزاده د لارښوونې پر اساس غونډه وشوه ـ

 په ياده غونډه کې  ددغه وزارت د معينانو، رئیسانو او همدارنګه د دفاع او کورنيو چارو وزارتونو د هوایي ځواک او سرحدي پوليسو استازو هم پکې ګډون کړى و.

په دغه غونډه کې د هوايي ډګرونو څخه د ګډې ګټې اخيستنې او همدارنګه د ملکي او نظامي هوايي ډګرونو د تفکيک، تقسيم ، د حدودو معلومولو او نورو هوايي ډګر اړوند مهمو موضوعاتو په اړه بحثونه او پريکړې وشوې ـ

د ټرانسپورټ او هوايي چلند وزارت د څارنې او ارزونې هیئت هرات ولايت ته د خپل سفر په ترڅ کې د خواجه عبدالله انصاري هوایي ډګر او د ياد ولايت د ټرانسپورټي چارو ، هډو او بندرونو څخه لېدنه او څارنه ترسره کړه او د دې تر څنګ يې د عوايدي سرچېنو د پراختيا او غوره کنټرول په برخه کې د ياد ولايت د واټ ټرانسپورټ رياست استازو ته د ظرفيت لوړونې يو ورځنی سمينار هم وړاندې کړ.