د ټرانسپورټ او هوايي چلند وزارت د واټ ټرانسپورټ معین الحاج ملا عبد السلام حیدري او ورسره مل پلاوي خوست ولايت ته د خپل سفر په ترڅ کې د خوست ولايت له والي سره وليدل او له هغه سره يې خوست ولايت کې پر ځينو ټرانسپورټي مسايلو خبرې اترې وکړې. د دې تر څنګ يې د غلام خان بندر او د بار وړونکو موټرو له ترمينل او هډو څخه هم له نږدې ليدنه وکړه او د ټرانسپورټي شرکتونو له استازو سره په ليدنه کې د هغوی ستونزې واوريدل شوې د حل کېدو ژمنه ورسره وشوه او د ټرانسپورټي خدماتو پر معياري کولو ټينګار وشو.