د ټرانسپورټ او هوايي چلند وزارت د واټ ټرانسپورټ معين الحاج ملا عبدالسلام حيدري او ورسره مل پلاوي باميانو ولايت ته د خپل سفر په ترڅ کې، د دغه ولايت له والي او د ټرانسپورټ اړوند چارواکو سره وکتل. په دغه کتنه کې د ياد ولايت دټرانسپورټ له مسٶلينو سره د ټرانسپورټي مسايلو په تړاوخبرې اترې وشوې. او همداراز په دغه سفرکې د باميانو ولايت له هډو او نورو ټرانسپورټي چارو څخه هم ليدنه وشوه، ښاغلي حيدري د ټرانسپورټي چارو دلاښه والي په موخه د يادولايت دټرانسپورټ مسٶلينو ته لازمې سپارښتنې وکړې. ديادونې وړده، چې د نورو ولايتونو په څېر د دې ولايت له اداري کارکوونکو څخه هم د بشري سرچېنو د رٸيس له لورې د چارو د ارزونې او غوره والي په موخه ازموينه واخېستل شوه.
