د ټرانسپورټ او هوايي چلند وزارت شرایط وړ داوطلبانو ته د ارزګان ولايت هوايي ډګر څخه د راچاپېريدونکي ديوال (فينس) په پروژه کې چې د داوطلبۍ شمېره يې (MOTA/1402/NCB/W-20-Rebid) ده، د ګډون بلنه ورکوي.
غوښتونکي د دې پروژې اړوند شرطپاڼه په مستقيمه توګه له ياد وزارت څخه په سافټ بڼه د حافظې او فلش ډیسک په واسطه ترلاسه کولای شي او په شرطپاڼې کې د ذکر شویو شرایطو، قانون او طرزالعمل سره سم خپل وړانديزونه د دې خبرتيا د خپرېدو له نېټې څخه تر 21 ورځو پورې د کابل په انصاري واټ کې، ملي راډيو تلويوزيون ته څېرمه د ټرانسپورټ او هوايي چلند وزارت، د تدارکاتو رياست/ د تدارکاتو امريت ته سپارلی شي. 
هغه وړانديزونه چې ناوخته او يا هم د انټرنېټ له لارې سپارل کېږي، نه منل کېږي او د بانکي وړانديز تضمين د شرطپاڼې له اصولو سره سم اخيستل کېږي.