د ټرانسپورټ او هوايي چلند وزارت د واټ ټرانسپورټ معين الحاج ملا عبدالسلام حيدري په مشرۍ مل پلاوي بېلابېلو ولايتونو ته د خپلو سفرونو په لړ کې د فارياب ولايت ته سفر ترسره کړ په ياد سفر کې د دغه ولايت له چارواکو سره پر لېدنه سربېره د فارياب ولايت له هډو، ترمينلونو او همدارنګه د اقينې بندر څخه هم له نږدې ليدنه وکړه ;نوموړي د ټرانسپورټي شرکتونو له استازو او باوروړونکو موټر چلوونکو سره د ځينو ټرانسپورټي ستونزو د حل په موخه خبرې وکړې. همداراز په دغه سفر کې د بشري سرچېنو د رئیس له لوري د فارياب ولايت له ټرانسپورټي کارکوونکو څخه د چارو د ارزونې په موخه ازموينه هم واخېستل شوه.

د مولانا جلال الدين محمد بلخي(مزار شريف) له نړيوال هوايي ډګر څخه د ترکيې هيواد استانبول ښار ته الوتنې پيل شوې، دا الوتنې د اوس لپاره د کام ایر هوايي شرکت له خوا په اونۍ کې يو ځل د سه شنبې په ورځ ترسره کېږي چې لومړنۍ الوتنه يې تېره ورځ ترسره شوه.

نن (يکشنبه) د ټرانسپورټ او هوايي چلند وزارت د نړيوال واټ ټرانسپورټ د اسانتياوو رئیس يارمحمد رمضان په مشرۍ د وزارت په تالار کې د يو شمېر بار وړونکو موټرو له مالکانو سره ليدنه ترسره شوه.

 په دغه ليدنه کې دټرانسپورټي مساٸلو او په دغه برخه کې د اسانتياوو سربېره ، ځينې ګاونډيو هيوادونو سره د تجارتي اموالو په ښه توګه د انتقال په اړه خبرې وشوې او په دې برخه کې ورته د پوره اسانتياوو برابرولو ډاډ ورکړل شو.