د بغلان ولایت واټ ټرانسپورټ تنظیم ریاست لخوا د یاد ولایت اوسېدونکو ته د ۴ لویو هډو له لارې په ۱۱ بېلابېلو مسیرونو باندې منظم ټرانسپورټي خدمات وړاندې کېږي په دغه ټرانسپورټي هډو کې لېږدوونکي موټر د ټاکل شویو اصولو سره سم فعالیت لري او د مسافرو د لېږد رالېږد بهیر په منظم ډول ترسره کېږي. د ټرانسپورټي چارو د ښه تنظیم ترڅنګ، د مسافروړونکو موټرو وضعیت او د ټرانسپورټي اصولو پلي کول هم تر پاملرنې لاندې دي، تر څو هېوادوالو ته مناسب او معیاري خدمات وړاندې شي.